Author: Banaadir24
Taliska Ciidanka Booliiska Gobolka Banaadir ayaa shaaciyay in ciidamada ammaanka ay wadaan howlgal lagu ururinayo hub sharci-darro ah oo la sheegay in ay magaalada ku dhex qariyeen maleeshiyaadkii dhawaan weerarka ka geystay Degmada Cabdicasiis. Qoraal uu soo saaray Taliyaha Booliiska Gobolka Banaadir, Mahdi Cumar Muumin, ayaa lagu sheegay in ciidamada ammaanku ay baaritaanno iyo howlgallo ka wadaan goobo kala duwan oo looga shakisan yahay in lagu keydiyay hubkaasi, si looga hortago khatar kasta oo amniga magaalada Muqdisho wax u dhimi karta. Taliska ayaa shacabka ku nool Degmada Cabdicasiis iyo deegaanada ku dhow dhow ugu baaqay inay si dhow ula shaqeeyaan…
Ciidamada Amniga ayaa soo gabagabeeyay hawlgal qaatay muddo 48 saac ah, kaas oo ay uga hortagayeen Malleeshiyaad abaabulan oo doonayay in ay xaalad Amni darro ka abuuraan Magaalada Muqdisho. Malleeshiyaadkaan oo ku hubaysnaa hub culus ayaa galay xaafado ka tirsan Caasimadda ka dibna waxa ay weerarro ku qaadeen Ciidamada Booliska iyo dadka Shacabka ah iyaga oo adeegsanaya Hub culus. Ciidamada Amniga ayaa si taxadar leh ula fal galay maleeshiyaadkaas oo ay soo abaabuliyeen Siyaaeiyiin ay ka mid yihiin Xasan Cali Khayre iyo Shariif Sheekh Axmed. Intii uu socday hawlgalka waxa ay Ciidamada Amnigu hubka dhigis ku sameeyeen Maleeshiyaadkii Sharcidaradda ahaa…
Xisbiga Himilo Qaran ayaa war-saxaafadeed uu caawa soo saaray ku sheegay inuu si weyn uga walaacsan yahay xaaladda amni iyo xiisadda siyaasadeed ee ka taagan magaalada Muqdisho, gaar ahaan ciidamada la geeyay agagaarka guriga Madaxweynihii hore ee Soomaaliya, Shariif Sheekh Axmed. Xisbigu wuxuu sheegay in dadaalladii nabadeed ee ay hormuudka ka ahaayeen odayaasha dhaqanka, siyaasiyiin iyo qaybaha bulshada rayidka ah ay weli socdaan, isla markaana loo baahan yahay in la ilaaliyo jawi degan oo taageera wadahadalka iyo xalinta khilaafaadka siyaasadeed. War-saxaafadeedka ayaa lagu sheegay in ciidamada la geeyay deegaanka ay ku sugan yihiin Shariif Sheekh Axmed ay kordhin karaan xiisadda…
Hay’adda Qaramada Midoobay u qaabilsan Qaxootiga (UNHCR) ayaa sheegtay in ugu yaraan 13 qof ay ku dhinteen halka 189 kalena ay ku dhaawacmeen iska horimaadyadii dhawaan ka dhacay magaalada Muqdisho ee u dhexeeyay ciidamada dowladda Federaalka Soomaaliya iyo dagaalyahanno la safan mucaaradka. Warbixin ay UNHCR soo saartay Jimcihii ayaa lagu sheegay in rabshadahaasi ay sidoo kale sababeen barakaca ku dhawaad 12,500 oo qoys, kuwaas oo ay ku jiraan haween iyo carruur fara badan, taasoo sare u qaadday walaaca laga qabo saameynta bani’aadannimo ee sii kordheysa. Dagaallada ka dhacay xaafado kala duwan oo ka tirsan caasimadda ayaa sababay in dad badan…
Waxaa soo baxaya warar sheegaya in xildhibaan ka tirsan Baarlamaanka Federaalka Soomaaliya, Dahir Amin Jesow, lagu weeraray bar-koontaroolka Jaayga ee waddada aadda Garoonka Diyaaradaha ee Aadan Cadde, xilli ay sii kordhayaan xiisadaha amni iyo siyaasadeed ee Muqdisho. Sida ay sheegayaan ilo kala duwan, ciidamada ammaanka ayaa la wareegay gaadhigii xildhibaanka, sidoo kalena hubka ka dhigay ilaaladiisii gaarka ahayd. Wararka ayaa intaas ku daraya in Jesow iyo xubnihii la socday ay la kulmeen falal loola dhaqmay si adag intii uu socday is-horimaadkaasi. Xildhibaanka ayaa la sheegay in ugu dambeyn looga tagay dhinaca waddada, isaga oo aan wadan gaadhigiisii iyo…
Madaxweyne hore Sharif Sheikh Ahmed ayaa maanta dib ugu laabanaya gurigiisa oo ku yaalla agagaarka Garoonka Diyaaradaha ee magaalada Muqdisho, kadib maalmo uu ku sugnaa waqooyiga caasimadda halkaas oo ay ka dhaceen iska horimaadyo hubeysan. Dadaallo xooggan oo nabadeed oo ay wadeen odayaal dhaqameed, diblomaasiyiin ka socday safaarado reer Galbeed ah, iyo siyaasiyiin ka tirsan Dowladda Federaalka ayaa lagu guuleystay in lagu qanciyo inuu dib ugu laabto deegaankiisii hore. Dhanka kale, Dowladda Federaalka Soomaaliya ayaa weli ku adkeysaneysa in hoggaamiyeyaasha siyaasadeed ee Shariif Sheekh Axmed iyo Xasan Cali Kheyre ay ku laabtaan aagga ammaanka ee Xalane, si looga fogaado khataro…
Xoghayaha Guud ee Qaramada Midoobay ayaa walaac xooggan ka muujiyay wararka ku saabsan rabshadaha ka dhacay Muqdisho, isagoo ku baaqay in si degdeg ah loo bilaabo wadahadallo lagu xallinayo khilaafka jira, si looga hortago in dib loo celiyo horumarkii siyaasadeed iyo amni ee Soomaaliya laga gaaray. Wuxuu carrabka ku adkeeyay muhiimadda ay leedahay in dhammaan dhinacyadu muujiyaan is-xakameyn buuxda, isla markaana ay ka fogaadaan tallaabo kasta oo hurin karta rabshado dheeraad ah. Sidoo kale wuxuu ku boorriyay in khilaafaadka siyaasadeed lagu xalliyo wadahadal iyo is-afgarad. Hawlgalka KMG ah ee Qaramada Midoobay ee Soomaaliya (UNTMIS) ayaa dhankiisa sheegay in ay horey…
Xiisad culus ayaa weli ka taagan xaafadda Mirinaayo ee degmada Cabdicasiis, Muqdisho, halkaas oo ay isku horfadhiyaan ciidamada dowladda Federaalka Soomaaliya iyo ciidamada taageersan madaxweynihii hore ee Soomaaliya, Shariif Sheekh Axmed. Iska horimaadkan oo billowday habeenkii Arbacada ayaa ka dhashay muran siyaasadeed oo sii xoogeysanayay maalmihii la soo dhaafay, iyadoo labada dhinac ay isku adeegsadeen hub culus. Goobjoogayaal ayaa sheegay in ugu yaraan laba gaari oo gaashaaman ay ku gubteen dagaallada ka dhacay aaggaasi. Mucaaradka, oo uu qeyb ka yahay raysal wasaarihii hore Xasan Cali Kheyre, ayaa dowladda ku eedeeyay inay cadaadis ku hayso hoggaamiyeyaasha mucaaradka isla markaana ay xaddideyso…
Wafdi heer sare ah oo ka socday dowladda Turkiga, kaas oo lagu waday inuu Khamiistii soo gaaro magaalada Muqdisho, ayaa dib u dhigay safarkiisii kadib dagaalladii iyo iska horimaadyadii hubeysnaa ee maalmihii u dambeeyay ka dhacay caasimadda Soomaaliya. Wararka ayaa sheegaya in wafdigan uu qorsheynayay inuu ka shaqeeyo dadaallo lagu dejinayo xiisadda siyaasadeed ee u dhexeysa Dowladda Federaalka Soomaaliya iyo mucaaradka, xilli uu sii xoogeysanayo muranka la xiriira doorashooyinka iyo arrimaha dastuurka. Ilo siyaasadeed ayaa tilmaamay in qaar ka mid ah hoggaamiyeyaasha mucaaradka ee Muqdisho, iyo sidoo kale madaxda Jubbaland iyo Puntland, ay kalsooni badan ku qabaan dadaallada dhexdhexaadinta ee…
Ururka IGAD ayaa walaac weyn ka muujiyay wararka ku saabsan rabshadaha iyo dagaallada ka socda magaalada Muqdisho, kuwaas oo ka dhashay xiisadaha siyaasadeed iyo muranka dastuuriga ah ee sii xoogeysanaya. Qoraal ay soo saartay IGAD ayaa si adag loogu cambaareeyay dhammaan falalka rabshadaha ah, iyadoo dhinacyada isku haya siyaasadda Soomaaliya loogu baaqay inay muujiyaan is-xakameyn, yareeyaan xiisadda, isla markaana khilaafaadkooda ku xalliyaan wadahadal nabadeed, loo dhan yahay, oo wax ku ool ah. Xoghayaha Fulinta IGAD, Workneh Gebeyehu, ayaa sheegay in xilligan muhiimka ah ay lama huraan tahay in la ilaaliyo nabadda, xasilloonida, midnimada qaranka, iyo guulihii laga gaaray dib-u-dhiska dowladnimada…