Waqtiga uu billaabanayo Imtixaanka Shahaadiga ee Dugsiyada Sare oo la shaaciyay
Wasaaradda Waxbarashada, Hiddaha iyo Tacliinta Sare ee Xukuumadda Federaalka Soomaaliya ayaa shaacisay jadwalka rasmiga ah ee Imtixaanka Qaranka ee sanad dugsiyeedka 2025/2026.
Wasaaraddu waxay dhammaan ardayda, macallimiinta, maamuleyaasha, waalidiinta iyo guud ahaan bahda waxbarashada la wadaagtay in Imtixaanka Qaranka sannadkan la qaban doono inta u dhexeysa 20-ka Juun illaa 25-ka Juun 2026.
Wasaaradda ayaa ugu baaqday ardayda u fariisanaysa imtixaanka inay si wanaagsan ugu diyaar garoobaan, islamarkaana ay xoojiyaan dadaalkooda waxbarasho si ay u gaaraan natiijooyin wanaagsan.
Sidoo kale, maamulka dugsiyada iyo waalidiinta ayaa lagu adkeeyay inay garab istaag u muujiyaan ardayda muddada imtixaanka lagu jiro, si loo helo jawi daggan oo waxbarasho iyo guul horseeda.
