Jamhuuriyadda Federaalka Soomaaliya waxay tacsi tiiraanyo leh iyo murugo la wadaagtay Dowladda iyo Shacabka walaalaha ah ee Dowladda Qatar iyo Jamhuuriyadda Turkiga, kadib geerida naxdinta leh ee toddobo qof oo ku naf waayay shil diyaaradeed (helicopter) oo ka dhacay dhulka Qatar, iyagoo gudanayay waajibaadkooda shaqo.
Warsaxaafadeed kasoo baxay Wasaaradda Arrimaha Dibadda ayaa lagu sheegay in Soomaaliya ay sidoo kale tacsi qalbi leh u dirayso qoysaska iyo ehelada ay ka baxeen dadkii ku geeriyooday musiibadan murugada leh, iyadoo xaqiijinaysa garab istaag buuxa oo ay la leedahay Qatar iyo Turkiga xilligan adag.
Waxaan Ilaahay uga baryaynaa inuu naxariistiisa janno ka waraabiyo marxuuminta, samir iyo iimaan ka siiyo qoysaskooda iyo dhammaan dadka ay ka baxeen ayaa lagu soo geba-gabeeyay qoraalka.
Hoos Ka Akhriso Qoraalka Wasaaradda oo Luuqada Ingilisk-ka lagu qoray.
