Taliyaha Ciidanka Xoogga Dalka Soomaaliyeed S/Guuto Ibraahim Maxamed Maxamuud oo ay wehliyaan Taliyaha Taliska Tababarka XDS S/Guuto Axmed Ciise Axmed iyo Saraakiil Ka tirsan Ciidanka XDS ayaa Socdaal dhulka ah ku gaaray Degmada Bardaale iyo degaanka Awdiinle ee Gobolka Baay.
Ujeedka Safarka Taliyaha Ciidanka XDS ayaa daarnaa in loo kuur galo Xalaada Geesiyaasha Ciidanka Degaanka ee ku sugan Degmada Bardaale.
Taliyaha ayaa kormeeray Xeradii Gaaska Ciidamda Bardaale halkaas oo Ay ka howlgali jireen Guutooyinka Ciidamada Lugta iyo Madaafiicda Ciidanka XDS.
Gen.Ibraahim Maxamed oo Goobta ka hadlay ayaa taabtay Muhiimada ay Ciidan ka Xoogga Dalka u leedahay Xerada Gaaska Bardaale iyo sida ay u tahay Goob Istaraatiiji ah .
Gen Ibraahim Maxamed Maxamuud ayaa dhinaca inta uu Kormeerkan socday la kulmay Hormuudka Ciidanka degaanka isagoona u balan qaaday Garab Istaagga Ciidanka Xoogga Dalka si loo daboolo Baahiyaadka jira .
Taliska Ciidanka Xoogga Dalka Soomaaliyeed ayaa degaanada Maamulka Koonfur galbeed ka wada Dardargalinta Howlgalada ka dhanka ah maleeshiyada Al-Shabaab, iyada oo todobaadyadii la soo dhaafay ciidamada xoogga dalka ay degaano dhowr ah la wareegeen.
