Guddiga Madaxa Bannaan ee Doorashooyinka ayaa si rasmi ah u shaaciyay natiijada kuraasta ay kala heleen ururrada siyaasadeed ee ka qaybgalay doorashooyinka qof iyo codka ah ee ka dhacay deegaannada Koonfur Galbeed Soomaaliya.
Natiijadan ayaa muujinaysa isbeddel siyaasadeed oo weyn, iyadoo ururro badan ay ku tartameen doorashooyinka, halka qaar kalena ay heleen taageero ballaaran oo shacabka ah.
Ururka siyaasadeed ee JSP oo uu hoggaamiyo Madaxweynaha Jamhuuriyadda Federaalka Soomaaliya, Hassan Sheikh Mohamud, ayaa noqday ururka ugu kuraasta badan Golaha Wakiillada, isagoo helay 51 kursi.
Sida Ay U Kala Heleyn Kuraasta
Guddiga Doorashooyinka ayaa sheegay in kuraasta Golaha Wakiillada ay ururradu u kala heleen sidan:
JSP – 51 kursi
NPU – 14 kursi
Karaama – 11 kursi
SINCAD – 6 kursi
Towfiiq – 4 kursi
Tiir – 3 kursi
Waaberi – 1 kursi
Madalsan – 1 kursi
Muwaadiniinta Soomaaliyeed – 1 kursi
Saab – 1 kursi
Dhalinyarada Talo Qaran – 1 kursi
Ramaas – 1 kursi
Natiijadan ayaa muujinaysa in ururka JSP uu si weyn uga sarreeyay ururrada kale ee tartanka ku jiray, iyadoo NPU iyo Karaama ay galeen kaalmaha labaad iyo saddexaad.
Doorashada Qof iyo Cod
Doorashooyinkan ayaa qeyb ka ah dadaallada lagu hirgelinayo nidaamka dimuqraadiyadda iyo doorashada qof iyo cod ee Soomaaliya, taas oo shacabka siinaysa fursad ay si toos ah ugu doortaan wakiilladooda siyaasadeed.
