Guddiga Doorashooyika Qaranka ayaa ka faah-faahiyay warbixintii uga dambeysay ee tirinta codadkii doorashadii qof iyo codka ahayd ee xubnaha Golaha deegaanka iyo Golaha Wakiiladda maamulka Koonfur Galbeed ka qabsoontey 13-ka degmo ee maamulkaas.
Guddoomiyaha Guddiga Madaxa Bannaan ee Doorashooyinka Qaranka Cabdikariim Axmed Xasan ayaa shacabka Soomaaliyeed, Ururada siyaasadda, warbaahinta iyo dhammaan daneeyeyaasha Doorashooyinka la wadaagay in geeddi socodka tirinta , gudbinta iyo hubinta natiijada Doorashada isku sidkan ee Dowlad Gobolleedka Koonfur Galbeed uu si habsami leh u socdo, iyadoo dhammaan howlahaas loo fulinayo sida waafaqsan sharciga Doorashooyinka qaranka.
” Guddigu wuxuu xaqiijinayaa in si waafaqsan qodobka 61-aad ee sharciga Doorashooyinka Qaranka in si rasmi loo soo geba-gebeeyay tirinta cododka goobaha codbixinta xalay, sidoo kale, xalay waxaa si biuxda loo soo geba-gebeeyay howlaha ku xusan qodobka 21-aad ee la xiriira sharciga ee soo xirista iyo soo geba-gebeynta tirinta goobaha codbixinta oo shacabka Dowlad gobolleedka Koonfur Galbeed codkooda ka dhiibtaan.”.
Sidoo kale, Guddoomiyaha ayaa xaqiijiyay in la soo gudbiyay dhammaan goobaha cobixinta, islamarkaana guddiga waajibaadkooda sharciga ka gudanayaan.
