Taliyaha Ciidamada Xoogga Dalka Soomaaliyeed, Jen. Ibraahim Maxamed Maxamuud, ayaa soo saaray wareegto rasmi ah oo lagu magacaabayo laguna kala beddelayo qaar kamid ah saraakiisha ciidamada ee ka howlgalayay deegaanada Dowlad Goboleedka Koonfur Galbeed.
Wareegtadan oo summadeedu tahay LXT/C/XDS/0122/26, islamarkaana ka soo baxday xafiiska Taliyaha Ciidanka, ayaa lagu sameeyay isbeddello muhiim ah oo saameynaya hoggaanka cutubyo ka tirsan Ciidanka Dhulka.
Saraakiisha la magacaabay iyo kuwa la kala beddelay ayaa kala ah:
-
G/le Sare Cabdiraxmaan Cilmi Jimcaale Aamiin ayaa loo magacaabay Taliyaha Guutada 6-aad ee Qaybta 60-aad Ciidanka Dhulka.
-
G/le Dhexe Liibaan Yuusuf Afrax Weheliye ayaa laga qaaday xilkii Taliyaha Guutada 6-aad ee Qaybta 60-aad.
-
L/X/le Isxaaq Maxamed Ibraahim ayaa laga beddelay xilkii Taliyaha Ururka 95-aad, Guutada 9-aad ee Qaybta 60-aad.
-
L/X/le Cabdullaahi Maxamed Ibraahim ayaa loo magacaabay Taliyaha Ururka 95-aad, Guutada 9-aad ee Qaybta 60-aad.
Wararka ayaa tilmaamaya in tallaabadan ay qeyb ka tahay qorshe ballaaran oo dowladda federaalka ay ku xoojineyso howlgalada militari ee ka dhanka ah madaxweynaah koonfur galbeed, waxaana taliyaha Ciidanka xoogag dalka oo fulinaya Ammarka Madaxweynaha Soomaaliya xasan Sheekh Maxamuud uu qaaday is bedelkan.
Wararka aan helnay ayaa Sidoo kale sheegaya in dowladda Soomaaliya ay qorsheyneyso guluf ciidan oo ka bilaabanaya deegaanka Qalalan ee Afgooye ilaa magaalada Baraawe, iyadoo dhinaca gobollada Baay iyo Bakoolna loo xil saaray masuuliyiin kale oo heer wasiir ah si ay uga qeyb qaataan in meesha laga saaro Madaxweyne Laftagareen.
