Ciidamada Kenya oo soo bandhigay meydadka Shabaab ay dileen
Ciidamada gaarka ah ee SOG ee Kenya, oo kaashanaya sirdoon iyo taageero dhinaca cirka ah ayaa fuliyay howlgal qorsheysan oo lagu beegsaday fariisin ku meel gaar ah oo ay Al-Shabaab ku lahayd meel u dhow xadka Kenya iyo Soomaaliya.
Howlgalka ayaa lagu qaaday ku dhawaad 30 dagaalyahan oo ka tirsanaa Al-Shabaab, kuwaas oo la sheegay inay isku diyaarinayeen weerar argagixiso oo ay ka fuliyaan mid ka mid ah tuulooyinka ku yaalla degmada Mandera ee dalka Kenya.
Weerarka oo dhacay aroortii hore ayaa lagu dilay 11 xubnood oo ka tirsan Al-Shabaab, halka 7 kale ay ku dhaawacmeen dhaawacyo culus.
Ciidamada ayaa sidoo kale howlgalka ku furtay 3 qori oo nooca PKM ah iyo ku dhawaad 409 xabbo oo rasaas ah, halka xubnihii kale ee Al-Shabaab ay dib ugu baxsadeen gudaha Soomaaliya.
Howlgalkan ayaa qeyb ka ah dadaallada lagu xoojinayo amniga xadka Kenya iyo Soomaaliya, iyadoo la beegsanayo kooxaha qorsheynaya weerarrada ka dhanka ah shacabka iyo ciidamada ammaanka.
