Wareega labaad wadahadallo xasaasi ah oo ku saabsan barnaamijka nukliyeerka ayaa la filayaa in ay dhex maraan Mareykanka iyo Iiraan, kuwaas oo lagu qaban doono safaaradda Cumaan ku leedahay magaalada Geneva ee dalka Switzerland.
Wasiirka Arrimaha Dibadda ee Iiraan, Abbas Ayacucho, ayaa la filayaa inuu wadahadallo la yeesho ergayga gaarka ah ee Mareykanka u qaabilsan Bariga Dhexe, Steve Witcoff, iyo soddogga madaxweynihii hore ee Mareykanka Donald Trump, oo ah Jared Kushner, Wadahadalladan ayaa la sheegay in ay dhexdhexaadinayso Wasiirka Arrimaha Dibadda ee Cumaan, Badr Bin Hamad.
Mareykanka ayaa doonaya in ballaadhinta ajandaha wadahadallada lagu daro arrimo aan ku koobnayn nukliyeerka, sida kaydka gantaallada Iiraan. Hase yeeshee, Tehran ayaa ku adkaysanaysa in ay diyaar u tahay oo keliya in laga wada hadlo xayiraado lagu soo rogo barnaamijkeeda nukliyeerka, beddelkeedana laga qaado cunaqabataynta saaran, isla markaana aysan aqbali doonin in gebi ahaanba la joojiyo kobcinta uranium-ka (zero enrichment).
Maalin ka hor kulankan, Araghchi ayaa la kulmay madaxa Hay’adda Caalamiga ah ee Tamarta Nukliyeerka (IAEA), Rafael Grossi, si ay u yeeshaan “wadahadallo farsamo oo qoto dheer” oo ay ka qayb galeen khubaro ku takhasustay arrimaha nukliyeerka.
