Dacwad laga gudbiyay Ciidamada Itoobiya ee ku sugan degmada Buurhakaba

Xildhibaanada ka soo jeeda Buurhakaba ee Baarlamaanka Federaalka Soomaaliya ayaa warqad rasmi ah u diray Guddoomiyaha Midowga Afrika, iyaga oo ka digay faragelin ay ku eedeeyeen Ciidamada Itoobiya ee ku sugan Sector 3 ee howlgalka Midowga Afrika (AUSSOM).

Warqadda oo ku taariikheysan 27 Febraayo 2026, ayaa loo diray Guddoomiyaha Midowga Afrika, iyada oo nuqulna la gaarsiiyay Hoggaanka AUSSOM. Xildhibaanadu waxay muujiyeen walaac ku aaddan:

• Cadaadis siyaasadeed oo lagu hayo maamulka Buurhakaba.

• Faragelin lagu eedeeyay ciidamada Itoobiya inay ku sameeyaan arrimaha siyaasadda gudaha.

• Xasuusin ku saabsan dhacdadii doorashadii Koonfur Galbeed 2018 iyo doorkii ciidamada Itoobiya.

  Related Articles

  • 
    Ciidan si gaar ah u tababaran oo ka tirsan Xoogga Dalka oo tabbar sare loogu soo xiray Masar

    23 September 2026
  • 
    Puntland oo Qabatay Laba Gaari oo Siday Dhalinyaro la Sheegay in loo Qorayay Ciidamada Dowladda

    21 September 2026

• Baahida loo qabo dhexdhexaadnimo buuxda oo ay muujiyaan ciidamada Midowga Afrika.

• Xaaladaha bani’aadamnimo ee Buurhakaba, gaar ahaan go’doon, abaar iyo biyo yari.

Xildhibaanadu waxay dalbadeen in:

1. Dib-u-eegis lagu sameeyo howlgalka Sector 3 ee Buurhakaba.

2. Si cad loo xaqiijiyo dhexdhexaadnimada ciidamada AU.

3. La hubiyo ilaalinta shacabka iyo fududeynta gargaarka bani’aadamnimo.

4. La taageero hannaan doorasho oo dastuur waafaqsan oo ka dhaca Koonfur Galbeed.

Warqadda waxaa saxiixay:

• Xildhibaan Saadaad Mohamed Nur Aliyow

• Xildhibaan Fowsio Mohamed Sheikh

• Xildhibaan Mohamed Ali Hassan

Xildhibaanadu waxay sheegeen in ujeeddadoodu tahay ilaalinta dhexdhexaadnimada howlgalka Midowga Afrika iyo xoojinta kalsoonida shacabka Buurhakaba.