Dowladda Imaaraadka Carabta ayaa si rasmi ah xilka uga qaadday Guddoomiyihii iyo Agaasimihii Fulinta ee shirkadda DP World, Sultan Sulayem, kaddib markii magaciisu uu soo galay baaritaanno la xiriira fadeexadda caalamiga ah ee Jeffrey Epstein.
Goโaankan degdegga ah ayaa yimid kaddib warbixino soo baxay oo tilmaamaya in uu jiray xiriir ama saameyn la sheegay inuu Sulayem ku lahaa arrimo la xiriira Epstein. Arrintan ayaa loo arkay mid dhaawici karta sumcadda caalamiga ah ee shirkadda DP World iyo kalsoonida lagu qabo jawiga maalgashi ee Imaaraadka.
Masโuuliyiin ku dhow dhow dowladda ayaa sheegay in tallaabadan looga gol-leeyahay ilaalinta danaha dhaqaale ee dalka, xoojinta hufnaanta maamulka shirkadaha waaweyn, iyo hubinta in sumcadda Imaaraadka ee ganacsiga caalamiga ah aanay waxyeello soo gaarin.
Dhanka kale, xilka Guddoomiyaha iyo Agaasimaha Fulinta waxaa si ku-meel-gaar ah loogu magacaabay Ciisa Kaazim, oo ah khabiir ku xeel dheer arrimaha maaliyadda iyo maamulka. Waxaa la filayaa inuu hoggaamiyo dib-u-habeyn iyo tallaabooyin lagu soo celinayo xasiloonida iyo kalsoonida maalgashadayaasha caalamiga ah.
DP World waa mid ka mid ah shirkadaha ugu waaweyn dunida ee ka shaqeeya maareynta dekedaha iyo adeegyada saadka, iyada oo leh hawlgallo ku baahsan qaarado kala duwan. Isbeddelkan hoggaamineed ayaa si dhow isha loogu hayaa, maadaama uu saameyn ku yeelan karo suuqyada iyo xiriirrada ganacsi ee shirkaddu la leedahay dalal badan.
