Muqdisho (Banaadir24) — Taliyaha Ciidanka Xoogga Dalka Soomaaliyeed, Sarreeye Gaas Ibraahim Maxamed Maxamuud, ayaa kulan la yeeshay Ku-simaha Madaxa Safaaradda Mareykanka ee Soomaaliya, Marwo Ruth Anne Stevens-Klitz, kaas oo diiradda lagu saaray xoojinta iskaashiga difaaca iyo taageerada Mareykanka ee ciidamada Soomaaliya.
Kulanka ayaa sidoo kale looga hadlay dardargelinta wada-shaqeynta labada dhinac ee dhinacyada amniga, tababarka iyo tayeynta awoodda Ciidanka Xoogga Dalka Soomaaliyeed.
Labada dhinac ayaa adkeeyay muhiimadda ay leedahay sii wadidda iskaashiga milatari iyo horumarinta awoodda ciidamada, si kor loogu qaado amniga iyo xasilloonida Soomaaliya.
