Muqdisho (Banaadir24) — Taliska Booliska Gobolka Banaadir ayaa been abuur ku tilmaamay warar baraha bulshada lagu faafiyay oo sheegaya in ciidamo ka tirsan Booliska ay galeen xarumaha shirkadda Hormuud, isla markaana ay halkaas ka wadaan baaritaanno.
Booliska ayaa shacabka uga digay faafinta wararka aan la xaqiijin, iyagoo sheegay in dadka si ula kac ah u faafiya wararka been abuurka ah lala tiigsan doono tallaabo sharci ah.
Taliska ayaa sidoo kale bulshada kula taliyay inay xogaha noocan ah ka hubiyaan ilo rasmi ah, kana fogaadaan wararka marin-habaabinta ah.
